పద్మావతి అమ్మవారి బ్రహ్మోత్సవాలకు తిరుచానూరు ముస్తాబవుతోంది. రంగు రంగుల ముగ్గులను వేసి తిరువీధులను సుందరంగా తీర్చిదిద్దుతున్నారు. తొమ్మిది రోజుల పాటు బ్రహ్మోత్సవాలను తిరుమల తరహాలో చేయాలని తిరుమల తిరుపతి దేవస్థానం సిద్ధం చేస్తోంది.
పద్మావతి అమ్మవారి కార్తీక బ్రహ్మోత్సవాల సంద‌ర్భంగా నవంబరు 27వ తేదీ తిరుమల శ్రీవారి లక్ష్మీకాసుల హారం ఊరేగింపు జరుగనుంది. శ్రీవారి ఆభరణాలలో అత్యంత ప్రధానమైన లక్మీకాసుల హారం ఉదయం 8.00 నుండి 9.00 గంట‌ల వరకు తిరుమ‌ల‌లోని ఆల‌య నాలుగు మాడ వీధుల‌లో ఊరేగించ‌నున్నారు.
తిరుచానూరులోని పద్మావతి అమ్మవారి కార్తీక బ్రహ్మోత్సవాలలో చివరిరోజైన డిసెంబరు 1న పంచమితీర్థం ఉత్సవాన్ని పురస్కరించుకుని తిరుమల శ్రీవారి ఆలయం నుంచి సారెను తిరుచానూరు పద్మావతి అమ్మవారికి సమర్పించ‌డం జ‌రుగుతుంది. ప్రతి ఏటా పంచమితీర్థం రోజున తిరుమల నుంచి సారెను తీసుకెళ్లడం ఆనవాయితీగా వస్తోంది.
తిరుచానూరు బ్రహ్మోత్సవాలు ఈ నెల 23 నుంచి తిరుచానూరులో జరగనున్నాయి. ఈ మేరకు తిరుమల తిరుపతి దేవస్థానం ఏర్పాట్లు పూర్తి చేసింది. ఇవాళ మంగళవారం ఉదయం కోయిల్ ఆళ్వార్ తిరుమంజనం కూడా పూర్తి చేశారు.
సిరులతల్లి తిరుచానూరు శ్రీ పద్మావతి అమ్మవారి వార్షిక కార్తీక బ్రహ్మోత్సవాలను పురస్కరించుకొని అమ్మవారి ఆలయంలో కోయిల్ ఆళ్వార్ తిరుమంజనం మంగళవారం ఘనంగా జ‌రిగింది.
తిరుచానూరు శ్రీ పద్మావతీ అమ్మవారి కార్తీక బ్రహ్మోత్సవాలను నవంబరు 23 నుంచి డిసెంబరు 1వతేదీ వరకు నిర్వహించనున్నారు.
Copyright © 2020 | WordPress Theme by MH Themes